Франческа Иствуд, ќерка на филмските легенди Клинт Иствуд и Френсис Фишер, помина прилично дива ноќ со пријателка во Шато Мармонт во Лос Анџелес, само неколку дена откако беше откриено дека обвиненијата против неа за семејно насилство биле отфрлени, пренесуваат странските медиуми.

Очигледно, Франческа овој момент решила да го прослави со големо количество алкохол бидејќи папараците ја снимиле како се струполила на улица по излегувањето. Додека се движела кон автомобилот, паднала на улицата и пријателката морала да ѝ помогне да стане.

Инаку, 31-годишната Франческа Иствуд беше уапсена на 12 октомври годинава, откако наводно физички се пресметала со своето момче додека возеле во Беверли Хилс. Таа плати кауција од 50.000 долари и беше пуштена од затвор. Обвиненијата против неа сега се отфрлени откако не беа пронајдени доволно докази.

Франческа глумеше во реалити ТВ серијата „Госпоѓа Иствуд и компанија“, чија премиера беше во 2012 година. Серијата на гледачите им даде поглед на животот на семејството Иствуд, односно Франческа, нејзината тогашна маќеа Дина и полусестрата Морган.

Ќерката на Клинт Иствуд уапсена поради семејно насилство: Го натепала дечко ѝ, па била пуштена со кауција