Обожавателите на легендарната Одри Хепберн несомнено ќе бидат заинтригирани од огласот што неодамна се појави на интернет. Имено, куќата во Лос Анџелес каде што некогаш живеела Хепберн е на продажба, а цената на оваа вила е неверојатни 10,9 милиони американски долари.

Куќата првично им припаѓала на Милдред и Едвин Кнопф, роднини на Алфред Кнопф, сопственикот на издавачката куќа, во раните 1950-ти. По нив, сопственици станале британската актерка Дебора Кер и нејзиниот сопруг Питер Фиртел.

Според „Јаху“, Хепберн ја изнајмила куќата од Кер двапати. Првиот пат бил во пролетта 1950 година за време на пробното снимање за филмот „Кво вадис“, а потоа за време на подготовките за филмот „Детскиот час“.

Имотот од 31.163 квадратни метри е скриен зад влез со порта на една од најпосакуваните улици во Брентвуд. Сè уште зрачи со стилот на Стариот Холивуд. Самата куќа е 5.500 квадратни метри, има пет спални соби и шест бањи, и располага со градина за забави, мало голф игралиште и базен.

Огласот го објави „Sothebys realty“.