Откако убавата италијанска спортска новинарка Дилета Леота минатата година го доби своето прво дете, преслатката ќерка Арија со германскиот фудбалер Лорис Кариус, парот се венча среде Европското фудбалско првенство.

Местото било внимателно избрано, а сѐ се одвивало на прекрасниот италијански остров Липари, кој се наоѓа веднаш до Сицилија. Тоа не била мала интимна свадба, но не била ниту претерано голема, бидејќи младенците имале 160 гости, меѓу кои и многу познати имиња. Долгогодишната пријателка на Леота, италијанската пејачка Елоди, имала двојна улога – деверица, но секако и пеела на свадбата. На целиот настан му претходела дополнителна прослава, забава во бело на која бил прославен 31-виот роденден на германскиот голман.

Секако и невестата била прекрасна, таа блесна во прекрасна венчаница од тантела, дури и по малку традиционален крој. Парот позирал и со својата ќерка, а на долгиот проѕирен превез на невестата имало натпис „All i ever want“ или во превод „Сѐ што некогаш сум сакала“.

Меѓу познатите гости на венчавката беа Кјара Ферањи, Елизабета Каналис, Мишел Хунцикер, Аурора Рамацоти…