Селена Гомез спектакуларно ја дочека Новата 2023 година во Лос Кабос, Мексико, во друштво на младиот брачен пар Никола Пелц и Бруклин Бекам.

Актерката и пејачка, која боледува од автоимуната болест лупус и биполарно растројство, самоуверено ги покажа своите прекрасни облини во бикини.

Како што може да се забележи од папараци-фотографиите, 30-годишната ѕвезда навистина уживала во своето празнично патување.

Гомез и Пелц се блиски пријателки, а доказ за тоа се нивните нови складни тетоважи со зборот „ангел“. Се чини дека новото пријателство навистина ѝ прија на Гомез, откако таа се скара со долгогодишната пријателка Франсија Раиса во ноември минатата година.

Имено, таа не ја спомна Раиса во својот документарец „My Mind & Me“, во кој раскажа за животните настани кои ѝ се случија во последните шест години.

Откако Раиса се огласи на социјалните мрежи, каде потенцираше дека е навредена, Гомез ѝ одговори со доза сарказам дека ѝ е жал што не ги спомнала сите луѓе кои ги познава.

Во документарецот, во кој е ставен главен акцент на менталното здравје на Гомез, таа изјави дека пејачката Тејлор Свифт ѝ е единствена пријателка од јавниот свет.

„Никогаш не се вклопив во групата со ‘кул’ познати девојки. Мојата единствена пријателка од индустријата е токму Тејлор Свифт“, сподели пејачката.

Медиумот „Ентертејмент њуз“ го сподели овој цитат на Гомез на својот инстаграм-профил. Очигледно, ова ја навреди Раиса, која остави ироничен коментар „Интересно“ на објавата. Потоа, таа го избриша коментарот и ја отследи Гомез на социјалните мрежи.

 

View this post on Instagram

 

A post shared by E! News (@enews)

ВИДЕО | Селена Гомез за менталното здравје: Драго ми е што сум жива