ФОТО | Салма Хајек се појави на трибините на Вимблдон и гордо ја покажа седата коса
Салма Хаек следеше натпревар на Вимблдон, а поради нејзината седа коса, фотографиите набрзо привлекоа внимание и ѝ донесоа бројни пофалби.
Имено, штом на интернет се појавија фотографии од оскаровката (57), нејзините обожаватели ја преплавија со комплименти и пофалби за грациозното „носење“ на седата коса.
Препорачано
-
1
-
2
-
3
Салма седеше во кралската ложа придружувана од нејзиниот сопруг Франсоа-Анри Пино и на Инстаграм објави фотографии од овој настан.
Како што може да се забележи, нејзината темно кафеава коса е прошарана со неколку сиви прамени, а мексиканско-американската актерка не сакала да ги сокрие. За нејзиното грациозно „носење“ на седа коса пишува и магазинот „Вог“ (Vogue), наведувајќи дека „прифаќањето на седата коса не може да биде поубаво“.
Истото го почувствуваа и нејзините обожаватели кои напишаа: „Ми се допаѓа дека ѝ се гледаат седите влакна“, „Ја сакам нејзината седа коса“, „Седата коса ја прави уште подобра“.
За Вимблдон, Хајек избра комбинација на темно сина јакна и панталони и сино-бела кошула со пруги. Изгледот го комплетираше со едноставна шминка и златни парчиња накит.
Актерката не е единствената што одлучила да ја прифати својата седа коса – нејзините колешки како Сара Џесика Паркер и Енди Мекдауел исто така избираат да ги носат нивните природни сиви прамени.
