Од 26 јули до 11 август ќе се организираат 33 Летни олимписки игри во Париз, Франција, најголемиот спортски настап на планетата.

На Олимписките игри во Париз ќе има 206 земји. Во таа бројка е вклучен и бегалскиот олимписки тим кој за прв пат учествуваше во Рио де Жанеиро во 2016 година. Бегалскиот тим и годинава ќе биде на Олимписките игри, а ќе има вкупно 37 натпреварувачи.

Откако на Игрите во Токио учествуваа над 11.000 спортисти, годинава бројката е нешто помала. На Олимписките игри годинава ќе учествуваат околу 10.500 спортисти.

Македонското знаме се развеа на свеченото отворање на Олимписките игри во Париз

Соединетите Американски Држави ќе имаат убедливо најмногу спортисти. На овогодинешните Игри под знамето на САД ќе бидат дури 592 учесници. Најблиску до нив е Франција со 573, додека сите други земји имаат помалку од 500.

Најмалку конкуренти ќе има Науру. Оваа земја ќе има само еден претставник на Олимпијадата во Париз и тоа ќе биде 23-годишниот Какиуеа Винзар. Тој ќе се натпреварува во атлетика на трката на 100 метри.

Под неутрално знаме ќе настапат спортисти од Русија и Белорусија и на Олимписките игри во Париз ќе има 32. Вкупно 15 од Русија и 17 од Белорусија.

Натпреварувањата не се одржуваат само во Париз, туку и низ цела Франција. Кошарката ќе се игра во Лил (прва фаза во кошарка, ракометно финале), Вевус сур Марне (веслање и кајак), Марсеј (фудбал и едрење), Лион (фудбал), Бордо (фудбал), Ница (фудбал), Нант (фудбал), Шато (стрелаштво), а посебен куриозитет е што натпреварот во сурфање се одржува на Тахити, 21 часовен лет од Париз.