Британската кралска пошта во вторникот објави дека ќе издаде посебен сет од 12 поштенски марки „во знак на чест на една од најдолговечните рок групи на сите времиња“ – Ролинг Стоунс.

Рокерите „владееја“ со сцената во шеесетите години, а на поштенските марки ќе бидат овековечени нивните настапи ширум светот.

На осум од нив ќе биде фронтменот Мик Џегер, гитаристите Кит Ричардс и Рони Вуд и починатиот тапанар Чарли Ватс, на концерти во различни делови во светот, од лондонскиот Хајд Парк во 1969 до Ист Рутефорд во Њу Џерси во 2019.

 

View this post on Instagram

 

A post shared by The Rolling Stones (@therollingstones)

На преостанатите четири марки се две фотографии од сите членови заедно и два постера од нивните светски турнеи, пренесуваат од „Daily.mail“

Стоунси се „кралеви“ на рокенролот

„Малку бендови во историјата на музиката успеле да создадат толку долга, богата и експанзивна кариера како Ролинг Стоунс- изјави Дејвид Голд, директор за односи со јавност на британската пошта.

„Тие ги создадоа некои од најиконичните и најинспиративните албуми во модерната музика, а нивните настапи во живо можат да се наречат револуционерни“ – додаде тој.

Рок диносаурусите се основани во 1962, и се клучен бенд во историјата на рокенролот. Имаат продадено преку 240 милиони плочи во светот, бројни награди, меѓу кои и три Гремија.