Тежок удар претрпе екипата на Сараево на гостувањето кај Борац во Бања Лука, откако во рамки на 5. коло од Премиер лигата на Босна и Херцеговина доживеа убедлив пораз од 5-1, а по натпреварот од редовите на тимот каде што настапува македонскиот фудбалер, Стефан Ристовски имаa жестоки критики за арбитражата.

Токму Ристовски беше најгласен во критиките и се огласи преку социјалните мрежи.

„Добредојдовте во аматерската Премиер лига. Да живее Тито“, објави Ристовски на социјалните мрежи, но подоцна и ја избриша објавата.

Главната контроверзија се случи при резултат 2-1, кога судиите го поништија израмнувачкиот гол на Сараево, тврдејќи дека Млинариќ играл со рака. Дополнителен гнев предизвика и досудениот пенал за Борац, по дуел во кој, токму Ристовски, според арбитрите, направил прекршок.