Американската актерка Енди Мекдауел е долгогодишно заштитно лице на козметичкиот бренд Л’Ореал, а синоќа беше дел и од нивната ревија во рамки на Модната недела во Париз, Франција.

Мекдауел е една од оние познати дами кои се залагаат за природен изглед, а веќе неколку години не ја третира својата кадрава коса со боја, туку е горда на својата седа коса.

Со широка насмевка на лицето, 65-годишната актерка продефилира на пистата во кожени панталони и кожна јакна, а својата витка линија ја истакна со црниот топ налик градник.

За време на пандемијата, таа одлучи да го прифати својот природен изглед и да докаже дека стреењето е убав процес.

„Се заљубив во својот нов изглед и одлучив да го задржам. Не велам дека сите требаат да го следат мојот пат, но ова е нешто што мене ми одговара. Една новинарка ме праша како се чувствувам, знаејќи дека стареам и дека ја губам убавината. Не можев да поверувам. Ѝ реков дека воошто не се чувствувам така. Сите ние се менуваме и старееме и тоа е дел од животниот процес. Стареењето не значи дека губиме од убавината“, изјави Мекдауел во 2021 година.

ФОТО | Не ја фарба косата една година: Актерката воодушеви со природниот изглед во Париз