Раде Шербеџија на својот Фејсбук профил објави фотографија со сопругата Ленка и нивните ќерки.

Познатиот глумец  не споделува често фотографии со јавноста, но овојпат со објавата им честиташе Божиќ на илјадници свои пријатели и објасни дека го поминал празникот со ќерката Вања, која не ја видел дури две години.

„По две години, нашата ќерка Вања дојде од далечната Австралија. Уживаме што сме сите заедно и на сите кои слават, им посакуваме среќен Божиќ“ – напиша актерот.

Фотографијата на среќното семејство ја лајкнаа преку 30.000 следбеници, а не изостанаа и позитивни коментари и честитки за успешна и среќна година до семејството Шербеџија.