Илјадници километри далеку од дома, на турнејата низ Јужна Африка, британскиот принц Вилијам, носи симпатичен потсетник на раката, на сите најважни и омилени луѓе што ги има во Велика Британија.

Имено, главната причина за патувањето на принцот во Јужна Африка е учеството на конференцијата „Ертшот+“, каде присуствуваат водечките светски експерти за заштита на животната средина и биолошката разновидност и за ублажување на драматичните последици од климатските промени.

Меѓутоа, посетата на принцот вклучува и разни протоколарни и други обврски, па за време на рагби натпреварот на 4 ноември, при фаќањето топка во Кејп Таун, тој ги засука ракавите на кошулата и на десниот зглоб од раката ја откри шарената белезица за пријателство со натпис „папа“ (тато) која ја направила неговата ќерка Шарлот.

Тој ја покажа својата белезица за пријателство и додека шеташе по падините на планината Тајбл, каде што беше домаќин Роберт Ирвин, глобалниот амбасадор на наградата „Ертшот“, која ја доделува Фондацијата Принц Вилијам и традиционално се доделува на 6 ноември.

Инаку, сино-зелената белезица со црно-бели монистра првпат беше видена на неговата рака на концертот во Лондон на американската пејачка Тејлор Свифт, каде Вилијам минатото лето ги зеде своите три деца и се фотографираше со нив во гардеробата на познатата пејачка.

Не е тајна дека 11-годишниот принц Џорџ, 9-годишната принцеза Шарлот и 6-годишниот принц Луис отсекогаш го нарекувале Вилијам „папа“ (тато), и така му се обратија во пораката за Денот на таткото, како и неколку дена подоцна во нивните честитки по повод 42-от роденден на Вилијам.

Најлошото помина: Принцот Вилијам откри каква ѝ е состојбата на Кејт по хемотерпаијата