Принцезата Шарлот денеска го слави својот 10-ти роденден, а за да го одбележи важниот ден, нејзината мајка Кејт Мидлтон, објави преслатка фотографија на Инстаграм направена во Камбрија.

Фотографијата од семејната прошетка ги воодушеви сите и покажа колку омилениот член на кралското семејство се променил и пораснал во последните неколку години, а многумина забележаа дека таа неверојатно личи со својот татко Вилијам, особено во очите и насмевката.

Претходните портрети за роденден ја прикажуваа Шарлот претежно дома во поформална облека, здолништа, фустани и џемпери, па затоа оваа фотографија дава сосема нова светлина врз животот на принцезата.

Happy 10th Birthday Princess Charlotte! ❤

📸 The Princess of Wales pic.twitter.com/GckTgYXN8Y

— The Prince and Princess of Wales (@KensingtonRoyal) May 2, 2025

Патем, Кејт отсекогаш, а особено во последните неколку месеци, зборувала за важноста на поминувањето време во природа и на отворено со нејзиното семејство, каде што, како што вели, наоѓа мир.

За време на нејзината борба со ракот, таа зборуваше за тоа како природата ѝ пружила големо олеснување и станала дел од нејзиниот процес на лекување. Нејзините деца, според сите извештаи, ја наследиле истата страст и љубов кон пешачењето, возењето велосипед и едрењето.

Патем, Шарлот е трета во редот за наследување на тронот и наскоро ќе игра важна улога во кралското семејство.

Поради промените во правилата за наследување од 2013 година, според кои машките наследници повеќе немаат предност пред женските наследнички, Шарлот, родена во 2015 година, стана првата британска принцеза која се рангираше над својот помлад брат, принцот Луис.

Нејзиното целосно име е Шарлот Елизабет Дајана, а е родена во болницата „Света Марија“ во Падингтон, Лондон, на 2 мај 2015 година во 8:34 часот наутро, со тежина од околу 3,7 кг.