ФОТО | Принцезата Катерина им оддаде почит на кралицата Елизабета и принцезата Дијана со прекрасната круна
Кејт Мидлтон го имаше своето прво формално појавување како Катерина, принцезата од Велс, пишува „Вог“.
Препорачано
На банкетот во чест на јужноафриканскиот претседател Сирил Рамафоса, принцезата се појави во бела креација на дизајнерката Џени Пекам. Иако фустанот е скромен, тој е одлично парче од високата мода и е совршен избор за овој свечен настан во Бакингемската палата.
Тоа што го привлече вниманието на присутните, но и на медиумите, беше украсната круна „Љубовен јазол“, која ѝ е омилена на принцезата Катерина и има посебно значење. Имено, оваа круна првично била направена за кралицата Марија во 1913 година, а потоа ја наследила кралицата Елизабета Втора, која, пак, ѝ ја позајми на принцезата Дијана.
Поради тоа што принцезата Дијана уживаше голема популарност во осумдесеттите години на минатиот век, оваа круна стана една од најпознатите во историјата.
Кога Кејт Мидлтон се омажи за принцот Вилијам во 2011 година, 14 години по смртта на принцезата Дијана, кралицата Елизабета ѝ ја подари оваа круна.
Но, круната не е единственото парче накит со кое принцезата Катерина им оддаде почит на жените од кралското семејство. Таа ја надополни својата модна комбинација и со бисерна нараквица, која ѝ припаѓаше на кралицата Елизабета Втора.
