Во несреќа на магистралниот пат Прељина-Чачак во Србија денеска се случила несреќа во која се превртила приколка натоварена со луксузни автомобили „Мерцедес“ и „Ферари“, пренесе РТС.

Според информациите од полицијата, возачот од Албанија ја загубил контролата најверојатно кога му пукнала гумата на џипот, по што приколката се откачила и се превртила во длабок канал покрај патот. Возачот за среќа не е повреден.

Според фотографиите објавени на социјалните мрежи, штетата е голема. Се работи за автомобил „Ферари СФ90 Страдале“, кој може да чини и повеќе од 650.000 евра, како и „Мерцедес АМГ ГТ купе“, чијашто цена е над 200.000 евра.