Полицијата од ОВР Гостивар вчера изврши претреси во гостиварското село Здуње и приведе двајца мажи осомничени за трговија со дрога.

Првиот, Ф.М. (30), бил лишен од слобода по претрес во неговата куќа и помошните простории, при што била пронајдена и одземена марихуана.

Вториот, Е.Џ. (31), исто така бил лишен од слобода по извршен претрес во домот и помошните простории, при што биле одземени марихуана, грутка кафена материја, три паковки со бела прашкаста материја и поголема сума на пари.

Двајцата осомничени се задржани во полициска станица, а по документирање на случаите, ќе следуваат соодветни пријави.