Триесетгодишната инфлуенсерка Сораја Рифи беше брутално нападната за време на грабеж во нејзиниот стан во Марсеј, Франција во петокот вечерта, 4 јули, од двајца вооружени мажи.

Прво ја врзале, потоа ја претепале и ѝ се заканувале, а потоа била хоспитализирана. Поднесена е пријава за грабеж со употреба на сила и силување, јавува „BFMTV“.

 

View this post on Instagram

 

A post shared by Judicael Brindel (@judibrindel)

Таа била жртва на брутален грабеж, бидејќи напаѓачите ја мачеле речиси два часа. Пријавата е поднесена, а истрагата е отворена. Нејзиниот адвокат изјавил дека била претепана со скалпел и пиштол, а потоа врзана со селотејп. Според нејзиното сведочење, напаѓачите ѝ рекле: „Дај ни пари или ќе те довршиме, знаеме која си“.

 

View this post on Instagram

 

A post shared by SORAYA RIFFY ♡ (@soraya.riffy)

Нејзиниот ужас траел речиси два часа, во текот на кои таа претрпела сурово насилство. Според нејзиниот адвокат, тие дури и ја полеале со белило.

– Ја полеале со белило. Мислела дека ќе ѝ ги извадат органите и ќе ја запалат – изјавил нејзиниот адвокат во емисијата на „BFMTV“ во недела, 6 јули, нагласувајќи дека станува збор за „невидено ниво на насилство“. За време на нападот, инфлуенсерката ја изгубила свеста и се освестила поради силниот мирис на белило. Успеала да се ослободи и да повика брза помош. На полицијата ѝ кажала дека била силувана, а медицинско-правното вештачење треба да се направи во понеделник.

– Се разбудила со болка во пределот на интимните делови од телото и со траги кои, за жал, оставаат многу малку простор за сомнеж – додаде нејзиниот адвокат.