Непознати вандали изминатата ноќ повторно ја оштетиле спомен-плочата на Првиот градски партизански одред во Сплит. Покрај тоа што натписот сега е целосно исчкртан со црн спреј, вандалите на споменикот нацртале и усташки симбол.

Споменикот и пред неколку дена беше искршен на повеќе места.

„Понесени од сонот за слободата, на 11 август 1941 година, партизаните на Првиот сплитски одред тргнаа во битка од ова место. Патриотски Сплит никогаш нема да ги заборави“, пишува на споменикот, кој е постојана мета на ултрадесничарските вандали во хрватскиот град.