Британското кралско семејство синоќа присуствуваше на традиционален божиќен концерт „Заедно на Божиќ“, кој воедно е еден од првите официјални ангажмани на Кејт Мидлтон откако заврши со хемотерапијата.

И додека Кејт Мидлтон блескаше во црвено палто во комбинација со црна кадифена машна, вниманието го привлекоа и најмалите, кои оваа година ретко ги гледавме во јавноста. Џорџ, Шарлот и Луис навистина пораснаа, а нивните карактеристики стануваат сè посериозни.

Сепак, најмладиот син на принцот Вилијам и Кејт, Луис повторно го украде целото внимание откако фотографите ја „уловија“ неговата неодоливо слатка, рачно напишана порака до неговите баба и дедо.

Имено, пред почетокот на концертот, шестгодишното момче застана на „дрвото на љубезноста“, на кое гостите беа поканети да закачат пораки посветени на оние кои ги поддржале во текот на оваа година.

„Благодарам на баба и дедо што си играа игри со мене“, пишувало на пораката на Луис.

I leave you with this image. Young Prince Louis hung his personal message, thanking the Lord for his Middleton grandparents in the “Kindness Tree” at Westminster Abbey tonight. The Christmas Carol concert has become associated with the Princess of Wales. pic.twitter.com/b1tQZ07Kwd

— vbspurs (@vbspurs) December 7, 2024

Во видеото објавено од принцот и принцезата од Велс претходно оваа година, во кое Кејт откри дека завршила со превентивната хемотерапија, Луис е виден како игра карти околу маса со родителите на Кејт Мидлтон, Керол и Мајкл Мидлтон. Очигледно 6-годишното момче особено ги цени моментите со своите баба и дедо.

Инаку, Луис и неговиот 11-годишен брат, принцот Џорџ, беа облечени како нивниот татко, во темно сини костуми, бели кошули и црвени вратоврски, додека принцезата Шарлот (9) носеше темно црвен фустан кој одговараше на облеката на Кејт Мидлтон.

Кејт Мидлтон на посебен начин ѝ оддаде почит на принцезата Дијана на божиќниот концерт „Заедно на Божиќ“