ФОТО | Повеќе од ова не може: Чизбургер без месо со 20 парчиња кашкавал
Во Тајланд, „Бургер Кинг“ предизвика возбуда со својата нова понуда на чизбургер, кој всушност нема плескавица од месо, туку само голема количина на кашкавал, пишува „Си-ен-ен“.
Препорачано
Оваа недела, тајландскиот оператор на синџирот за брза храна го претстави она што го нарекува „вистински чизбургер“, лепче исполнето со дури 20 парчиња американски кашкавал.
Понудата неодамна беше лансирана на тајландските менија, по намалена цена од 109 тајландски бати (3,1 долари), во споредба со вообичаената цена од 380 бати (10,9 долари). Набрзо стана вирален на социјалните мрежи во Тајланд, при што многу корисници на ТикТок објавуваа видеа од нивно дегустирање на новиот сендвич.
„Ова не е шега. Ова е вистинско“, напишаа од „Бургер Кинг“ во објава на социјалните медиуми.
Поради ова, во еден од рестораните на „Бургер Кинг“ во Бангкок, менаџерот на смена рекол дека мора да престанат да примаат нарачки за испорака за да имаат доволно време да приготват „вистински чизбургери“ за оние што дошле во ресторанот.
„Ова е луда количина кашкавал за еден бургер“. Храната е добра кога работите се во вистинска комбинација“, рекла една 25-годишна девојка откако го пробала новиот „чизбургер“.
Повеќето од оние кои побрзаа да го пробаат новиот сендвич „Бургер Кинг“ го направија тоа затоа што на социјалните мрежи видоа дека сите зборуваат за „вистинскиот чизбургер“.
Овој новитет е вистински пример за тоа како франшизите за брза храна ширум светот се трудат да привлечат внимание. Најчесто тоа го прават со воведување на незамисливи или привлечни опции од менито кои се надеваат дека ќе се прошират на социјалните мрежи.
A trend in #Thailand is to put cheese on literally everything. Now Burger King has joined in with the Real Cheese Burger. Though I think they forgot the meat.
I love cheese but I struggled eating even half of this “burger”. Maybe I should grill the other half? What do you think? pic.twitter.com/dg7wDCSCCw
— Richard Barrow (@RichardBarrow) July 10, 2023
Рестораните, исто така, континуирано ја прилагодуваат својата понуда на локалните вкусови во различни земји.
Во Тајланд кашкавалот е особено популарен кај младите потрошувачи, а вообичаено е да се додава овој млечен производ во сите видови јадења. Понудата на „Бургер Кинг“ во оваа далечна источна земја вклучува и плескавици од лосос, очигледен знак за претпочитање на потрошувачите за здрава алтернатива на говедското месо.
