Фолк пејачот Дарко Лазиќ и неговата сопруга Катарина за српски „Курир“ потврдија дека чекаат бебе. Тоа ќе биде нивно прво дете, а на пејачот трето. Лазиќ има ќерка од бракот со Ана Севиќ, а во врската со Марина Гагиќ доби син.

Во понеделникот Дарко и Катарина направиле прослава во Брестач и им соопштиле на семејството и пријателите кој пол е бебето. Меѓутоа, таа информација сè уште ја кријат од јавноста.

Катарина го покажа и трудничкиот стомак кој се гледа под краткиот фустан што го носела на прославата. На Инстаграм се појави нејзина фотографија на која Дарко ја гали по трудничкиот стомак, а оваа сцена ги разнежни сите.

На оваа прослава присуствувала и кумата на Лазиќ, Андреана Чекиќ, која заедно со нив ја прославила среќната вест. На прославата присуствувала и нејзината мајка.

Ана Севиќ, со која Дарко сега е во одлични односи, не била во Брестач, но ја „лајкнала“ објавата на Катарина и со тоа покажала дека ѝ е драго што нејзиниот поранешен сопруг ќе го прошири семејството.

Дарко по прославата се огласи за медиумите.

– Конечно ги имаме резултатите и дознавме дека чекаме бебе и дека сè е во ред, па радосната вест можеме да ја споделиме со вас како што ветивме. Пресреќен сум што ќе станам татко – изјавил Дарко за „Блиц“.

„Бев клинички мртов, гледав бели завеси и непознати луѓе“: Дарко Лазиќ за 23-те дена во кома