Поранешниот фудбалер Дејвид Бекам, вчера присуствувал на тениски натпревар на турнирот Вимблдон, а со него на трибините во кралската ложа седела и неговата мајка Сандра, пишува „Дејли мејл“.

На фотографиите се забележува дека тој се бори да остане буден, додека гледа како британската тенисерка Џоди Бураџ игра против руската тенисерка Дарија Касаткина, на третиот ден од Вимблдон.

И покрај возбудливиот натпревар, се чини дека еуфоријата набрзо исчезнала. Во неколку наврати, фотографите го фатиле Бекам како се проѕева, го трие челото и едвај ги држи очите отворени.

Британските медиуми уморот на Бекам го препишуваат на тоа што претходната вечер ја прослави 24-годишнината од бракот со сопругата Викторија.

Викторија не дојде на Вимблдон со Дејвид, а ден претходно му посвети емотивна порака на својот сопруг.

ФОТО | Викторија и Дејвид Бекам слават годишнина: Вака изгледале во 1999 година