Првите фотографии од „Гладијатор 2“ / Фото: Инстаграм/„Венити фер“

ФОТО | Пол Мескал версус Педро Паскал: Објавени првите фотографии од сетот на „Гладијатор 2“

Второто продолжение на историската драма „Гладијатор“ („Gladiator“), под режисерска палка на Ридли Скот, е нешто што го очекуваат сите вљубеници во филмската уметност.

Списанието „Венити фер“ објави ексклузивни фотографии од снимањето на филмот и ни даде преглед за она што ќе можеме да го очекуваме во киносалите од 15 ноември годинава. Ирскиот актер Пол Мескал, кој е нова актерска надеж во Холивуд, и Чилеанецот Педро Паскал, кој важи за еден од најхаризматичните актери, ќе ги видиме во главните улоги – Луциус и Маркус Акациус.

Фото: Инстаграм/„Венити фер“

На една од фотографиите, нивните ликови се борат во акциска сцена, но причината за нивниот конфликт не е откриена.

Во споделените објави е откриено дека Маркус Акациус тренирал и учел од генералот Максимус, кој во оригиналниот филм од 2000 година го играше оскаровецот Расел Кроу.

„Акациус учеше од најдобрите, секако кодексот на честа беше вкоренет во неговиот тренинг“, рече Паскал, според „Венити фер“.


Луциус е, сега веќе, пораснатиот внук на императорот Комодус, кој во првиот филм го толкуваше Хоакин Феникс.

Фото: Инстаграм/„Венити фер“

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот