Британската актерка Оливија Хaси, која стекна огромна слава со улогата на Богородица Марија во телевизиската серија „Jesus of Nazareth“ (1977), веќе неколку години е повлечена од забавната индустрија.

Хаси се појавува во повеќе од 60 филмови и телевизиски програми, меѓу кои и „Last Days of Pompeii“, „The Bastard Hallmark’s Hall of Fame Ivanhoe“ и „Psycho IV“. Актерката учествувала и во неколку телевизиски серии, а гласот го позајмува и во неколку анимирани филмови.

Оливија Хаси е активна во борбата за подигнување на свесноста за менталното здравје и отворено зборува за својата борба со биполарното растројство. Таа ги објави мемоарите „Девојката на балконот: Оливија Хуси го пронаоѓа животот по Ромео и Јулија“, хроника за нејзиниот живот и кариера.

За потсетување Оливија Хаси публиката ја памети и по нејзината улога во филмот „Romeo and Juliet“ од 1968 година, заедно со Леонард Вајтинг.

Колегите Хаси и Вајтинг  години подоцна поднеле тужба до Високиот суд во Санта Моника во Калифорнија, обвинувајќи ја познатата продуцентска куќа „Парамаунт пикчрс“ за сексуално вознемирување, измама, сексуално злоставување и намерно нанесување емоционален стрес. Хаси и Вајтинг тужбата ја поднеле токму за остварувањето „Romeo and Juliet“ поради голите сцени кои ги снимиле кога имале само 15, односно 16 години.