Кијану Ривс и Александра Грант се појавија заедно на црвениот тепих на отворањето на новата бродвејска продукција на претставата „Чекајќи го Годо“ во Њујорк, пренесува „Пипл“.

Rumor has it, couples who sparkle on the red carpet sparkle forever!! 🤩🖤🔥 https://t.co/Zb96b7cH1K pic.twitter.com/bdyM1IUpfU

— keanureevesfanpage.tr (I’m not Keanu Reeves) (@keanureevesfptr) September 28, 2025

Ривс, кој го имаше своето деби на Бродвеј во претставата, беше придружуван од неговата долгогодишна партнерка и позната уметница Александра Грант, која стоеше покрај него на важниот настан. Двојката го привлече вниманието на фотографите додека се држеа за раце и позираа со насмевки, потврдувајќи ја својата врска и на уметничката сцена.

Грант за пригодата се одлучи за безвременски црн фустан со квадратен изрез и кратки ракави, надополнет со впечатлив дијамантски ѓердан, дијамантски обетки и нараквици. Ривс остана верен на својот препознатлив стил, комбинирајќи го класичниот црн костум со сиви панталони со тенки линии, соодветна вратоврска и, во свој стил, кафеави планинарски чизми со портокалови врвки, додавајќи лежерен и препознатлив шмек на елеганцијата на настанот.

Премиерата на претставата беше посебен настан и поради театарското деби на Ривс, но и поради повторното обединување со неговиот филмски партнер од култните филмови „Бил и Тед“, Алекс Винтер, кој ја игра и главната улога во оваа театарска адаптација на ремек-делото на Бекет.

Грант и Ривс ретко се појавуваат заедно во јавност, па затоа нивното појавување на црвениот тепих предизвика посебен интерес, особено по неодамнешните медиумски шпекулации за наводна тајна венчавка, што Грант жестоко ги негираше на социјалните мрежи овие денови, нагласувајќи дека станува збор за лажна вест и дека двојката не склучила брак, туку едноставно ја дели среќата што е заедно.