Разводот на Ана Ивановиќ и Бастијан Швајнштајгер е во центарот на вниманието во последните неколку месеци, а јавноста и медиумите внимателно следат што објавуваат на социјалните мрежи, бидејќи  таму најчесто го искажуваат она што го чувствуваат.

Така, откако Ана Ивановиќ ги избриша сите заеднички фотографии со Бастијан од својот профил, освен рекламите на кои се заедно, кратко потоа, Бастијан објави фотографија на која е со широка насмевка, како ништо од она што му се случува изминатиот период да не го допира, а во описот напиша:

„Убаво е. Којзнае, која позната серија е снимена тука?“, ги праша тој своите следбеници, додека медиумите нашироко известуваат за деталите од неговата нова љубовна врска.

 

View this post on Instagram

 

A post shared by Bastian Schweinsteiger (@bastianschweinsteiger)

За потсетување, Ивановиќ и Швајнштајгер беа еден од најпрепознатливите спортски парови благодарение на нивните успеси во тенисот и фудбалот, а се венчаа со големо медиумско внимание во Венеција во 2016 година.

Во нивниот деветгодишен брак, тие имаа три деца, а нивниот најмлад син се роди само пред две години. Името на најмладиот брат на Лука и Леон никогаш не е објавено.

„Билд“ истакна дека адвокатот рекол дека повеќе нема да се рекламира, дека нема да има официјални изјави и побарал да се почитува приватноста на Ана и Бастијан, како и приватноста на нивните деца.

Само пред неколку дена, папарацо фотографите го фотографираа Швајнштајгер како разменува нежности со неговата наводна нова партнерка во Грција.