Нашата пејачка Зорица Блажева која во јавноста е позната под своето уметничко име Зои Блаж веќе оддамна не е активна на музичката сцена. Зои периодов е во посета на Германија, каде што престојува нејзиниот сакан.

Блажева изминатиов период е во Германија како придружба на својот сакан Тадеј Матијашиќ, поранешниот ракоментар на ракометниот клуб „Металург“, кој моментално игра во германскиот град Зул.

Имено, Зои е неколку години во врска со ракоментарот Тадеј кој по потекло е од Словенија. Иако имаа врска на далечина, со периоди кога не биле заедно поради работните обврски, сепак, љубовта била посилна од сè! Изминатиот викенд Тадеј во Германија ја запроси прекрасната Зои.

„Кажав „да“ на човекот кој што ме прави да се чувствувам посебна, кажав „да“ на среќата, кажав „да“ на љубовта, кажав „да“ на еден нов живот во кој ќе има само убавини… Те сакам највеќе на цел свет“, напиша Зои на своите профили на социјалните мрежи, споделувајќи ја среќната вест со своите пријатели и обожаватели.