Снегот кој викендов постојано вееше на планината Бистра го парализира мавровското село Леуново. Иако од Јавното претпријатие информираат дека патиштата се расчистени, сепак патот  Леуново-Маврово втор ден е непрооден, а заглавени се и пет автомобили со деца.

Како што информираат од УХМР, снежната покривка е најголема во Маврови Анови – 61 сантиметар, 48 сантиметри на Попова Шапка, 35 во Крушево, 21 во Лазарополе, 5 во Дебар, 4 во Претор, 3 во Берово.