Парис Хилтон, која и самата неодамна остана без својот имот поради разорниот пожар во Лос Анџелес, реши да им помогне на луѓето и животните погодени од оваа трагедија.

На својот инстаграм-профил таа сподели што направила во изминатите неколку дена.

„Вчера имав привилегија да волонтирам за да поддржам инспиративни цели во мојот роден град Лос Анџелес. Денеска повторно сфатив колку многу можеме сите да направиме помагајќи или донирајќи што можеме. Сите ние имаме моќ да им помогнеме на оние на кои им е потребна“, напиша Хилтон.

Таа истакна дека најпрвин отишла да пазари за основни потреби за деца и бебиња, по што посетила прифатилиште за напуштени животни. Таму решила да вдоми куче.

„Пресреќна сум што ќе ја доведам дома Зузу, нашата нова миленичка. За жал, нејзиното семејство мораше да се откаже од неа поради уништувањето на нивниот дом во пожарите. Посвојувањето е важен начин да помогнете, а ако не можете трајно да посвоите, размислете за обезбедување привремен дом за животни што им се потребни“, рече таа.

По посетата на засолништето, Хилтон помогна во испораката на предмети до семејствата кои престојуваа во хотелот Хилтон во Монтебело. Таа, исто така, истакна дека нејзината непрофитна организација работи на обезбедување поддршка на раселените семејства.

„Благодарение на дарежливите донации, веќе собравме повеќе од 600.000 долари за три дена, а нашата цел е да достигнеме 1 милион долари за да обезбедиме финансиска помош, домување и основни потреби за погодените“, напиша таа на крајот од објавата.

 

View this post on Instagram

 

A post shared by Paris Hilton (@parishilton)