Хрватската поп-ѕвезда Северина Вучковиќ повторно успеа да го привлече вниманието на јавноста, овој пат со необичен моден избор и остроумен коментар за нејзините претстојни судски рочишта.

На својот инстаграм-профил, пејачката објави фотографија од загрепскиот пазар Долац, каде позира во интересна модна комбинација – бела кошула, луксузна кожна торба и сукња која на прв поглед личи на бањарски пешкир.

Со вообичаената доза на хумор, Северина напиша: „Следи сезона на судови, па се подготвив со аутфит сукња-пешкир, бидејќи на суд се чувствувам како дома. Крокодилот е тука за да не се опуштам премногу“, алудирајќи на торбата од крокодилска кожа.

Сепак, иако дел од нејзините следбеници навистина поверуваа дека пејачката носи обичен пешкир, модниот свет брзо препозна дека станува збор за дизајнерска креација на „Баленсијага“. Овој несекојдневен моден парче беше пуштено во продажба во 2023 година по цена од 695 евра.

Додека со хумор зборува за судските процеси, Северина не открива конкретни детали за новите рочишта.

Во последните години, таа беше инволвирана во повеќе судски случаи, најзначајниот од кои е борбата за старателство над нејзиниот син Александар со неговиот татко, бизнисменот Милан Поповиќ. Иако Врховниот суд на Хрватска првично донесе пресуда во негова корист, таа беше поништена минатата година.

ФОТО | Северина на Малдиви ја чита книгата на Ведрана Рудан во која пишува за нејзиниот скандал на јахтата