Осумгодишно момче кое обожава Лего коцки доби протетска рака изработена по мерка, а направена токму од Лего коцки, пренесува „Би-би-си“.

Тренинг центарот на Портсмут (PEC) му помогна на Тоби, кој е роден со еден екстремитет.

Неговата мајка, Дебра, рекла дека нејзиниот син обожавал да ја покажува својата нова протеза и дека грижата што ја добил од „PEC“ била „феноменална“.

Клиничкиот менаџер на „PEC Prosthetics“, Луси Ридл, рече дека протезите треба да бидат удобни, како и да ја одразуваат личноста на корисникот.

„И двете се подеднакво важни за самодовербата и благосостојбата на една личност“, рече таа.

„Нашите техничари уживаат во креативноста, без разлика дали станува збор за изработка на екстремитети со дизајни на суперхерои или за вметнување семејни фотографии, а најголемата награда е да се види разликата што тоа ја прави во нечиј живот.“

Протезата е насликана со разнобојни лего коцки, но има и две парчиња вистински лего – едно зелено и едно виолетово – истакнати на предната страна.

Специјализираниот тим, предводен од „Стипер груп“ во партнерство со Универзитетскиот NHS Trust (PHU) на болниците во Портсмут, работи со пациенти за да создаде персонализирани протетски екстремитети, користејќи сè, од омилен фудбалски тим до домашно милениче.

Дебра рече дека тимот „ги надминал очекувањата“ за протезата на нејзиниот син.

„Тие навистина слушаат што сака Тоби и прават сè што можат за да го остварат тоа“, рече таа.

„Неговата нова рака со Лего тема е неверојатна – не само што помага со секојдневните задачи, туку обожава и да ја покажува.“

Таа рече дека тимот го натерало Тоби да се чувствува вклучен „на секој чекор од патот“.