Деми Мур (62) многу добро знае како да привлече внимание кон себе. Имено, американската актерка се појави на Неделата на модата во Милано во златен фустан кој изгледаше како вистинско уметничко дело. Креацијата беше исполнета со огнени, цветни и 3Д детали, што ѝ даваше допир на луксуз и футуристички гламур во исто време.

Целиот фустан беше изработен од светки и реси, кој го комбинираше со едноставна шминка и накит. Изгледот го комплетираше со фризура со кадрици. Ниту обувките не останаа незабележани. Имено, високите потпетици со златни детали совршено го придружуваа фустанот.

Demi Moore glitters in a gold gown as she attends the premiere of Gucci’s short film ‘The Tiger’ at Milan Fashion Week ✨ pic.twitter.com/noytmQdLtt

— Splash News (@SplashNews) September 24, 2025

Мур позираше расположена на настанот на модната марка „Гучи“, која моментално ја води креативниот директор Демна, во чиј дел беше прикажан филмот „Тигарот“. Демна ја нарече дебитантската колекција „беспрекорно секси, екстравагантна и смела“.

Покрај Мур, на Неделата на модата во Милано пристигнаа и поранешната тенисерка Серена Вилијамс, поранешната уредничка на „Вог“, Ана Винтур, актерката Гвинет Палтроу и моделот Лила Мос. Модната недела во Милно ќе вклучува 54 ревии на писта и четири онлајн ревии, а целиот настан ќе заврши на 29 септември со прослава на 50-годишнината од брендот „Џорџо Армани“, што воедно ќе биде и почит кон легендарниот дизајнер, кој почина претходно овој месец.

Деми Мур застана во одбрана на сопругата на Брус Вилис: „Ема има многу обврски“