ФОТО | Објавени деталите за Евровизија 2025, финалето ќе може да се следи на стадионот во Базел
Швајцарскиот радиодифузер SRG SSR ги објави деталите за Изборот за песна на Евровизија 2025 година во Базел. Тие најавија дека големото финале ќе може да се следи на фудбалскиот стадион Св. Јакоб-Парк во Базел, ги објавија цените на билетите, слоганот и логото на Изборот за песна на Евровизија, како и изгледот на сцената.
Препорачано
View this post on Instagram
Швајцарската платформа за билети TicketCorner е официјален партнер за издавање билети за Евросонг 2025. Потребна е регистрација за купување билети за натпреварот во Базел. Овој процес ќе спречи препродажба на билети и ќе обезбеди што повеќе фанови на Евросонг да добијат можност да го следат преносот во живо.
Претпријавувањето е веќе започнато и завршува на полноќ на 10 јануари 2025 година. Официјалната продажба на билетите започнува на 29 јануари 2025 година, ден по полуфиналната ждрепка. Цените за различни претстави и категории ќе се движат од 42 евра до 372 евра.
View this post on Instagram
Визуелниот и аудио идентитетот за 69-тото издание на Изборот за песна на Евровизија го разви уметничкиот директор Артур Дејнев. Неговата цел беше да создаде дизајн кој ќе ги натера луѓето да се чувствуваат слушнати и ценети. Инспириран од швајцарската традиција на директна демократија, која се врти околу слушање и дијалог, Дејнев го избра „слушањето“ како централна тема на целиот концепт.
„Ако се слушаме, ќе најдеме љубов“, рече Дејнев. Оваа порака ќе биде пренесена и визуелно преку симболот на евровизиското срце, кој го претставува дијалогот, единството и обединувачката моќ на музиката.
„Единството го обликува љубовта“, е темата на Евровизија во Швајцарија.
Дизајнот на сцената е инспириран од швајцарските планини и различноста. Флоријан Видер, сценограф со швајцарски корени, по осми пат го надгледува дизајнот на евровизиската сцена. За овогодинешниот настан во Св. Јакобшале во Базел, Флоријан открива дека инспирирал од швајцарските планини и јазичната разновидност на земјата.
„Нашата цел беше да создадеме револуционерен сценски концепт – холистичко искуство досега невидено на Евровизија. Благодарение на импресивниот распоред на сцената, публиката ќе може да биде дел од натпреварот за песна на Евровизија како никогаш досега“, рече тој.
Изборот за песна на Евровизија 2025 година ќе се одржи од 13 до 17 мај.
