Кејт Мидлтон и нејзиниот сопруг, принцот Вилијам угостија пациенти на кои им е дијагностицран рак, во замокот Виндзор. Во оваа трогателна средба со млади луѓе, принцезата се сретна и со младата фотографка Лиз Хатон (16), која се бори со редок и агресивен тумор.

Кралот Чарлс Трети ја замолил Лиз да му се придружи на неговата посета, за да ги фотографира присутните, вклучувајќи ги Марк Кевендиш, Вејнс Барнс и Алистер МекКоист.

Лиз, по потекло од Харогејт во Јоркшир, е вљубена во фотографијата, а добила лична покана од принцот Вилијам откако тој дознал за неа преку добротворната организација на Лондонската авиоамбуланта, која ја спонзорира, пишува „Дејли мејл“.

Младата Англичанка, исто така, беше поканета заедно со нејзиното семејство приватно да ги запознае Вилијам и Кејт за да слушне за нејзиното искуство со болеста.

За време на емотивната средба, принцезата, која минатиот месец објави дека завршила со превентивната хемотерапија, ја прегрнала 16-годишната тинејџерка болна од рак.

Принцот и принцезата од Велс подоцна ги објавија фотографиите од средбата на нивните официјални јавни профили, заедно со пораката: „Задоволство ни е што се сретнавме со Лиз во Виндзор. Талентирана млада фотографка чија креативност и сила нè инспирираа и двајцата. Ти благодариме што ги сподели твоите фотографии и приказни со нас“, напиша кралскиот пар.

Лиз подоцна возврати и напиша: „Толку љубезни, искрени и убави луѓе. Мило ми е што моето семејство го имаше ова искуство“.

Зошто баш таа поза? Експерт открива зошто Вилијам и децата ѝ свртеле грб на Кејт на новата фотографија која таа ја направила