Деми Мур e видена во друштво на 27 години помладиот пејач Џо Џонас. За работите да бидат уште поинтригантни, таа претходно беше поврзувана со неговиот помал брат. Па, многумина и овој пат се прашуваат дали е „само“ пријателство или нешто повеќе?

Според извори, актерката го запознала пејачот во Кан. Парот бил забележан на ручек во ексклузивниот Хотел ду Кап-Еден-Рок во Франција, пишува „Пејџ сикс“.

„Деми и Џо склопија пријателство. Тие имаат заеднички пријатели и се зближија“, изјавил извор за медиумите.

Деталите се контрадикторни, бидејќи еден извор тврди дека има нешто повеќе од пријателство, додека друг извор додава дека немало романса. Деми Мур беше поврзувана во 2018 година со Ник Џонас, кој сега е во брак со Пријанка Чопра. Тогаш се зборуваше дека се случила љубов и дека ги запознала нејзината ќерка Румер Вилис.

Деми Мур која глуми во филмот „Сусптанцијата“ беше домаќин на гала вечерта во Кан каде Џо се појави изненадувачки на сцената со неговиот брат Ник. Тие ја изведоа песната „Cake by the Ocean“, а актерката цело време танцуваше на тој хит со оскаровката Мишел Џео.

Актерката подоцна беше забележана на вечера со Џо, неговиот друг брат Кевин и супермоделот Хајди Клум. Џо Џонас, кој моментално одмара во Црна Гора, е пријател со стилистот и менаџер на актерката.

Инаку, минатата година Џонас се разведе од актерката Софи Тарнер со која има две ќерки. Неодамна раскина и со Сторми Бри. Деми Мур беше мажена за Брус Вилис, со кого имаат три ќерки, а потоа беше во брак и со Ештон Качер.

ФОТО | Беспрекорен моден стил: Шведската манекенка мами воздишки на филмскиот фестивал во Кан