ФОТО+ВИДЕО | Непалски војник е првиот човек со ампутирани нозе над колената што се искачи на Еверест!
Поранешниот непалски војник од заедницата Гурка, Хари Буда Магар (43), стана првата личност со ампутирани две нозе над колената која се искачи на Еверест, највисокиот планински масив на планетава, соопшти во неделата член од неговиот тим.
Препорачано
BREAKING NEWS – Hari Budha Magar creates history as he successfully conquers Everest
At around 3pm on May 19th, Hari stood victorious atop the world’s tallest mountain as the first ever double above-knee amputee to scale Mt Everest.Thirteen years after losing his legs in… pic.twitter.com/a24j5ZYkvo
— Hari Budha Magar (@Hari_BudhaMagar) May 20, 2023
„На врвот Сагармата стаса во петокот околу 15 часот по непалско време. Потоа се спушти во базниот камп, а во Катманду се врати во понеделник попладне“, рекол за АФП Хим Биста, кој за Еверест го употребил непалскиот назив.
Магар двете нозе над колената ги загубил откако, додека во 2010 година како член на бригадата на Гурка служел во Авганистан, случајно стапнал на импровизирана експлозивна направа.
View this post on Instagram
Досега две лица со ампутирани нозе под колената се искачиле на врвот Еверест. Тоа се Новозеланѓанецот Марк Инглис во 2006 година и Кинезот Ксиа Боју во 2018 година.
Магар има протези на двете нозе и досега веќе искачил неколку врвови, меѓу кои е планинскиот врв Тубкал во Мароко, Бен Невис во Шкотска и европскиот Мон Блан.
На овој поранешен десетар неколку години му било забрането искачувањето на највисоката планина на светот, поради непалскиот закон со кој на слепите лица и на оние со двојни ампутации им е забрането искачувањето на планини. Во меѓувреме, Врховниот суд во Непал го поништил законот.
„Сѐ додека својот живот можете да го прилагодите на времето и ситуацијата, сѐ е возможно, нема ограничувања, само небото е граница“, рекол Магар за АФП во април пред да тргне кон базниот камп на Еверест.
View this post on Instagram
Во Непал се наоѓаат осум од десет највисоки врвови во светот. Секоја пролет, кога ќе затопли, а опасниот хималајски ветер повеќе не дува толку силно, кон нив се упатуваат стотици алпинисти од целиот свет.
