Мачорот Бинс, кој побегнал од својот дом во Шкотска, бил пронајден во англиски град оддалечен 480 километри.

Како што пишува Би-би-си, мачорот исчезнал од својот дом во градот Камберно на крајот на октомври. Неговите сопственици, Кара и Колин Мекбурни, го барале со денови, но немале среќа во потрагата. Бидејќи потрагата по Бинс била неуспешна, тие почнале да претпоставуваат дека нешто му се случило на нивниот сакан миленик.

„Долго го баравме – насекаде. Секојдневно го барав, но претпоставував дека нешто му се случило“, изјавила г-ѓа Мекурни.

Но, неколку недели подоцна, сопствениците добиле повик од волонтери од здружението „Кетс протекшн“, кои ги информирале дека Бинс се наоѓа во англискиот град Ковентри, оддалечен 480 километри.

Г-ѓа Мекурни изјавила дека никогаш не ѝ паднало на памет дека нејзината мачка може да биде во Англија. Таа се приклучила на разни групи за изгубени животни во Шкотска на социјалните мрежи и не ги ни погледнала групите во Англија бидејќи не мислела дека Бинс може да залута толку далеку.

Бинс бил пронајден од страна на Кели Рајан, која го забележала мачорот како цело време спие во куќа за мачки на отворено во нејзиното соседство. Таа ги повикала волонтерите на „Кетс протекшн“, кои потоа го прочитале неговиот микрочип и откриле дека неговите сопственици живеат во Шкотска. Тие веднаш купиле авионски билети и се упатиле кон Англија за да го земат својот сакан миленик.

„Фактот дека Бинс беше вратен на неговите сопственици само 24 часа откако го скениравме неговиот чип, ни кажува колку е навистина важно микрочипот. Да не беше микрочипот, Бинс веројатно никогаш немаше да биде вратен на семејството кое толку многу го сака“, изјавила Медисон Роџерс од „Петс протекшн“.