Десет години откако се свршија, телевизиската презентерка Татјана Стојановска и нејзиниот партнер Михаил Китановски во саботата (10 јуни) го изговорија судбоносното „да“ пред најблиските.

„Пред точно 10 години, на 10 јуни 2013 година, Михаил ме побара за жена на нашиот прв одмор во Грција, и тогаш по неколку месеци од запросувањето, почнавме да живееме заедно. И точно на 10-годишнината од запросувањето, вчера стапивме и официјално во брак. Регистрацијата и прославата се одржаа во хотел „Александар Палас“, заедно со нашите најблиски роднини и пријатели. Беше весело благодарение на групата „Соната“ и бисерниот глас на Кате, како и на нашите весели гости“, раскажа презентерката за „Слободен печат“ пред неколку дена.

Сега Стојановска сподели неколку фотографии од свадбената фотосесија на социјалните медиуми.

„Нашата свадба“, напиша таа во описот.