Колку што убавината е универзална, толку и визуелното изразување низ модните парчиња и додатоци умее невербално да пренесе пораки кои може да бидат разбрани насекаде низ светот. 

На овогодинешното излегување на Мис Универзум 2021 секоја од девојките кои ги претставуваа своите држави имаа по некоја порака која сакаа да ја порачаат на гледачите, дел од историјата на која сакаа да ја истакнат, или културолошки гледишта на кои сакаа да го завртат вниманието.

 

View this post on Instagram

 

A post shared by Miss Universe (@missuniverse)

Ова се дел од највпечатливите, најнеобичните и најзанимливите костими кои мисиците од различните страни на светот ги износеа како нивни национални ансамбли:

Мис Аргентина

Џулиета Гарсија стана едно со природата во костим кој им оддаде почит на глечерите во нејзината земја.

Гарсија износе „nude“ боди со драматичен заден дел дизајниран да ги претстави аргентинските глечери кои се топат. Кралицата на натпреварот на својот Инстаграм изјави дека костимот е повик да се дејствува на опасностите од глобалното затоплување.

Мис Колумбија

Валерија Ајос изгледаше како пеперутка во треперлива жолто-виолетова национална носија.

Ајос на Инстаграм напиша дека нејзината национална носија е инспирирана од жолтите пеперутки на Колумбија, а исто така му оддава почит на колумбискиот филм „Енканто“.

Мис Непал

Суџита Баснет беше инспирирана од мајката природа.

Баснет носеше дводелен комплет со исечена кошула и долго здолниште, како и голема гранка над главата. На Инстаграм, таа рече дека „етничката симболика од непалските „Химал“, „Пахад“ и „Тераи“ е исто така вградена во облеката.

Дизајниран е од Махарјан Виџеј.

Мис Перу

Јели Ривера, која го претставуваше Перу, носеше костим кој буквално светеше.

Ривера му оддаде почит на местото на раѓање – подножјето на вулканот – со нејзината облека, која ја дизајнираше Бетопинедо, како што таа сподели на нејзиниот инстаграм-профил.

Нејзиниот светкав фустан кој се простираше до подот имаше LED светла, претворајќи ја во блескава фигура.

„Јас сум Белата кралица на Андите во чест на моето знаме и на мојот град што му носи на светот порака за единство и мир“, напиша Ривера за нејзината облека на Инстаграм.

Мис САД

Ел Смит, Мис на САД за 2021 година, се облече како Еми награда за шоуто за костими.

Дизајниран од Рандал К. Смит, костимот на Мис САД беше дизајниран како „поздрав до Холивуд“, како што сподели таа на Инстаграм.

Изгледот се состоеше од златно боди што ја покриваше главата на Смит и имаше крилја што течеа од задниот дел, наметка и топка што ја носеше додека шеташе на модната писта.

Мис Бразил

Тереза Сантос носеше впечатлив целосно црвен аутфит додека чекореше на сцената на Мис Универзум, со необични и забележливи расцутени ракави. Сантос на Инстаграм напиша дека нејзината национална носија е инспирирана од дрвото Пау-Бразил.

Вистински парчиња стакло и природен ратан беа извезени во ансамблот за да го репродуцираат изгледот на врвовите на дрвјата.

Мис Чешка

Каролина Кокешова испрати феминистичка порака со нејзиниот ансамбл инспириран од воинките.

Како што сподели на Инстаграм, Кокешова рече дека сака нејзиниот изглед да го претставува „срцето на лавот“. Таа носеше трико обложено со вештачко крзно, чизми од вештачко крзно и масивна глава на лав. Штитот на кој пишуваше „Заштити ги правата на жените ширум светот“, го комплетираше изгледот, а и пораката.

Мис Ел Салвадор

Алехандра Гавидија го искористи нејзиниот костим за да ја подигне свеста за жртвите на фемицид и нивните најблиски. Франциско Гереро го создаде црвено-белиот костим, кој беше дизајниран со намера да ја трансформира во Споменикот на Уставот на Ел Салвадор.

На Инстаграм, Гавидија рече дека црвените отпечатоци на здолништето на наметката ги направиле луѓе кои биле погодени од фемицид и дека фустанот бил претепан и пукан за да се покаже како страдало општеството на нацијата. Дополнително, синџирите кои ѝ висат на рамо претставуваат пречки за правдата, додека нејзиниот црно-зелен превез на очите претставува жалост и надеж.