Активистката Моника Левински (50), која од 1995 година ја носи титулата „најпозната љубовница во светот“, денес изгледа многу поинаку од начинот на кој изгледаше во периодот кога имаше афера со поранешниот американски претседател Бил Клинтон.

Во меѓувреме, таа целосно го промени својот изглед и, според многумина, изгледа подобро од кога било.

Левински се претстави во новата кампања на брендот „Реформејшн“, кој е поддржан од организацијата „Воут“. Целта на оваа кампања е да се мотивираат жените да излезат на претстојните претседателски избори во Америка и да го дадат својот глас „со стил“. Не се работи за начинот на облекување, туку за храброста и ставот.

„Женскиот судија е моќна жена – а моќната жена го користи својот глас“, рече таа во кампањата „Ја имаш моќта“ („You‘ve Got the Power“).

Иако целта на самата кампања е во преден план, интересни се и модните парчиња во кои Левински позира, а нивните цени се движат од 198 до 448 долари.

Да потсетиме, Моника Левински и Бил Клинтон се гледаа од 1995 до 1997 година, а неговата лична секретарка често се грижела некој да не ги забележи.

Кога во Белата куќа се појавиле гласини дека се во врска, Левински била префрлена во зградата на Пентагон. Таму се зближила со колешката Линда Трип, која била 24 години постара од неа. Таа ѝ ја доверила тајната за нејзината врска со претседателот, а Трип потоа почнала тајно да ги снима нивните телефонски разговори.

И Левински и Клинтон на почетокот лажеа под заклетва за аферата, но кога инспекторите го изнесоа синиот фустан со дамките од спермата на претседателот, тие повеќе не можеа да ги избегнат проблемите.