Пилешкото е генерално едно од омилените меса, но во текот на подготовката, може да биде суво, така што сите се обидуваат да направат вкусно и сочно јадење од него.

Најџела Лосон, најпознатата ТВ-готвачка, го сподели на Инстаграм својот рецепт за совршено пилешко, за кое тврди дека е најсочно на светот и дека секогаш успева.

                                                                                                                Profimedia

Нејзиниот рецепт е многу едноставен, содржи пилешко месо и дури 40 чешниња лук. Иако во прв миг може да звучи зачудувачки и премногу, Најџела тврди дека ова е убедливо најдобриот рецепт што го направила некогаш.

– Можеби ќе ви се сврти во главата од количеството лук, но не дозволувајте тоа да ве обесхрабри. Да, го има многу, но тоа воопшто нема да преовладува, туку само ќе се запече, карамелизира и ќе биде одличен гарнир и ќе го направи вашето месо совршено – објаснила Најџела.

Патем, овој рецепт не е спектакуларно откритие, бидејќи и кај нас некои веќе знаат да го подготват и важи за вистинско мало гастрономско ремек-дело.

Значи, ако сè уште не сте го направиле тоа, ви препорачуваме да пробате. Нема да жалите.

                                                                                          Profimedia

Пилешко со 40 чешниња лук

Состојки:

2 лажици маслиново масло

8 карабатаци

40 чешниња лук

Сол

1 дл бело вино

Подготовка:

Зачинете го пилешкото, па кратко запечете го во тавата. На дното на огноотпорниот сад ставете 20 нелупени чешниња лук, ставете го месото врз нив, а потоа врз месото ставете уште 20 чешниња нелупен лук. Прелијте со виното, ставете ја фолијата и печете на 180 степени околу еден час. Отстранете ја фолијата и печете го месото уште 15 минути.

                                                                                                               Profimedia