ФОТО | На мета на критики: Џастин Бибер го поддржа Израел, а објави фотографија од разурнатата Газа
Пејачот Џастин Бибер како и многу други познати личности, одлучи преку својот инстаграм-профил да даде поддршка за Израел, со што предизвика жестока реакција кај неговите следбеници, пишува „Дејли мејл“.
Препорачано
Имено, тој објави фотографија од разурнатата Газа, покрај која пишуваше: „Се молам за Израел“. Популарниот пејач набрзо се соочи со критики од своите следбеници, па за помалку од час ја избриша објавата.
Justin Bieber deletes and reposts ‘Praying For Israel’ story after the original post he shared had the words over a photo of destruction in Gaza. pic.twitter.com/5yHoXC8Ilr
— Pop Base (@PopBase) October 11, 2023
Инаку, станбените и трговски објекти и џамии во Газа беа уништени во знак на одмазда за нападот што во саботата го изврши палестинското движење на отпорот Хамас на територијата на Израел.
Откако ја избриша објавата, Џастин повторно ја сподели пораката со истиот текст, но овој пат без фотографијата од Газа.
Меѓутоа, грешката не остана незабележана од многумина на Интернет, па корисниците на „Икс“ продолжија да го критикуваат Бибер.
„Славните личности се толку невнимателни, што всушност е засрамувачки“; „Уште еден пример на познатa личност коja апсолутно ништо не знae и повторно го објавува првото нешто што ќе го видат“; „Едноставно пребарување на Гугл можеше да го спаси од овој срам…“ , беа дел од коментарите.
Во претходна објава на инстаграм, тој го сподели своето мислење за настаните што се случуваат во изминативе денови.
„Да ги понижувам сите Палестинци или сите Израелци ми изгледа погрешно. Не сакам да бирам страни, но ме интересира да застанам со семејствата кои ни беа брутално одземени“, напиша тој.
Инаку, странските медиуми се обидоа да контактираат со неговите претставници за коментар, но сè уште не добиле одговор.
Џастин не е единствената славна личност која овие денови проговори за конфликтот во Израел. Актерката Џејми Ли Кертис исто така сподели знак на поддршка за Израел со фотографија од деца од Газа, а потоа ја избриша објавата поради критики.
Исто така, големо внимание привлекоа објавите на други познати личности како Мадона, Гал Гадот, Миа Калифа, Кајли Џенер, Џиџи Хадид.
