ФОТО | На 55 години изгледа подобро од било кога: Ова е тајната за совршениот изглед на Рене Зелвегер
Познатиот пластичен хирург тврди дека славната актерка својот убав изглед воопшто не го должи на хируршки зафати, туку на здрав начин на живот, а можеби и на некоја козметичка корекција.
Препорачано
Рене Зелвегер се врати на својата сакана улога на Бриџит Џонс во продолжението на култната серија наречена „Mad About The Boy“, а сите забележаа дека изгледа подобро од било кога.
Таа на 55 години блеска со младешки сјај, па многумина се прашуваат во што е тајната, шпекулирајќи дека се работи за низа козметички зафати.
За ова зборуваше и реномираниот естетски хирург Д-р Марк Соломос, кој го сподели своето мислење за импресивниот изглед на познатата актерка.
„Прво, сакам да кажам дека Рене моментално минува низ незаслужено тежок период во кој сите го коментираат нејзиниот изглед, што лично сметам дека е феноменален“, рече тој и продолжи:
„Главната причина е што ослабела и што со текот на годините нејзиното лице добива поинаква, потесна форма, на која влијае стареењето“.
View this post on Instagram
Здрав живот и внатрешна среќа
Никој не се сомнева дека нејзиното лице навистина е значително променето откако стана холивудска ѕвезда во 90-тите, но причината очигледно не мора да се должи на хируршки зафати.
„Како и повеќето холивудски ѕвезди, Рене веројатно живее „чист“ и здрав начин на живот – добра исхрана, добар режим на вежбање и врвна рутина за нега на кожата се на прво место“, вели докторот, објаснувајќи:
„Покрај тоа, сосема е можно да имала некои нехируршки процедури на лицето, но не би рекол дека направила ништо друго. Очигледно е среќна во приватниот живот и тоа се гледа по нејзиниот изглед‘.
Дали тајната е и во колагенот?
Се шпекулира дека својата сјајна убавина можеби ја должи на повисоките нивоа на колаген, кој природно опаѓа од средината на дваесеттите до почетокот на триесеттите, а во четириесеттите ефектот од овој процес е видлив во вид на брчки и кожа со помала виталност и сјај.
Многу средовечни жени земаат додатоци на колаген за да го стимулираат обновувањето на кожата и да развијат цврстина, а можно е ова да е еден од чекорите што 55-годишната ѕвезда долго време ги вклучува во нејзината рутина за убавина.
