Македонскиот ТВ и радио водител Марко Новески, познат и како Марко „Дај побрзај“ пред речиси две недели стана татко на близнаци. Сопругата на Марко, Цена, на свет донесе момче и девојче, а гордите родители им ги дадоа имињата Вања и Веда.

Тој тогаш преку социјалните мрежи ѝ се заблагодари на сопругата што му го остварила најголемиот сон. Сега, Марко објави фотографија со новородените близнаци кои ги држи во своите раце. Водителот со насмевка на лицето ужива со своето најголемо богатство.

„Мојата дупла среќичка“, напиша Марко покрај фотографијата.

Инаку, Марко со својата сакана Цена Плавевска стапи во брак во август 2021 година.

„Се оженив! Те сакам Плавевска и едвај чекам да видам како ќе се одвива нашата приказна. Голема благодарност до кумот Дамјан за безрезервниот ангажман околу целата работа и секако до старосватицата Сашка за стручната логистика околу овој чин“, напиша тогаш Марко во објавата и сподели неколку фотографии од свечениот момент.

ФОТО | „Рипна во тавче“: Водителот Марко Новески се ожени