Ќерката на српскиот пејач Жељко Јоксимовиќ, Мина, ја сподели среќната вест дека завршила со уште едно поглавје од своето образование.

Таа тргна по стапките на својот познат татко и магистрираше на Филолошко-уметничкиот факултет во Белград, на отсекот за музичка уметност и студиската група за музика во медиумите.

„Ја одбранив мојата магистерска работа на тема ‘Филмската нузика на Зоран Симјановиќ во филмовите на Срѓан Карановиќ’. Изражувајќи го неговиот свет на звукот, отидов чекор напред во мојот“, напиша Мина во описот на фотографиите, со кои покажа дека го одбранила трудот со оценка десет.

Таа доби бројни честитки од своите пријатели и следбеници на Инстаграм, а меѓу нив е и емотивната порака која ѝ ја напиша татко ѝ.

„Љубов таткова, ти честитам. Многу сум горд!“, искоментира Жељко Јоксимовиќ, додавајќи емотикон со кој ја потенцираше љубовта за својата ќерка.