Maкедонскиот напаѓач Бојан Миовски кој одигра одличен натпревар за тимот на Жирона викендов во кој постигна два гола и еднаш асистираше се најде во тимот на колото.

За Миовски натпреварот викендов беше и негов најдобар од доаѓањето во шпанскиот клуб, а Жирона го победи Еспањол со 4:1.

Миовски за настапот е оценет со 8.91, а подобра оценка од него има само неговиот соиграч Брајан Хил, но место во најдобриот тим од Жирона добија уште и Ван Де Бек и Крејчи. Во тимот се уште Винисиус, Валверде и Рудигер од Реал Мадрид, Тарега и Дуро од Валенсија, Сансент од Атлетик Билбао и голманот на Барселона, Ињаки Пења.