Дождот не претставуваше никаква пречка во организацијата на свеченото отворање на Летните олимписки игри во Париз, Франција, кои ќе се одржуваат од 26 јули до 11 август.

Претходно веќе објавивме дека меѓу делегациите на бродови на реката Сена е и македонската чии бои ќе ги бранат шест спортисти на најголемиот спортски собир на планетата.

Градот на светлината како ја нарекуваат француската престолнина, ќе блесне во сиот свој сјај. Париз ќе биде светската сцена на која ќе продефилираат повеќе од 10.500 најдобри спортисти и од целиот свет.

На Свеченото отворање како што и беше во најавите македонски знаменосци, по еден во машка и женска конкуренција беа Дарио Ивановски и Мила Рељиќ.

Комплетната македонска делегација ја сочинуваат Дарио Ивановски (атлетика), Владимир Егоров (Борење/ до 57 кг, слободен стил), Никола Ѓуретановиќ (пливање/ 400 метри слободно), Анастасија Мојсовска (стрелаштво/10 метри воздушна пушка), Еди Шерифовски (џудо) и Мила Рељиќ (таеквондо).

Им посакуваме многу среќа и успех на македонските спортисти на ЛОИ Париз 2024.