Андрес Иниеста се збогуваше со активното играње фудбал и во текот на вчерашниот ден со емотивно видео ја потврди својата одлука.

Шпанскиот ветеран се повлекува на 40 години, а најдобрите денови од кариерата ги помина во Барселона каде што долго време ја делеше соблекувалната со Лионел Меси.

Меси не заборави на својот поранешен соиграч со кого помина прекрасни денови, па преку социјалните мрежи му испрати порака.

„Андрес, ти беше еден од соиграчите кои поседуваа најмногу магија, навистина уживав да играм со тебе. Ќе ѝ недостасуваш на топката, но и на сите нас. Ти посакувам сè најдобро, ти си феномен“, објави Меси.