ФОТО | Мерјем Узерли го прослави 41-от роденден со родителите, сестра ѝ и ќерките: Среќен роденден на најдобрата мајка
Мерјем Узерли, германска актерка со турско потекло и неприкосновената Хурем, го прослави својот 41. роденден во Берлин.
Препорачано
Мерјем Узерли никогаш не била посреќна. Опкружена со оние што најмногу ги сака, родителите, сестрата и ќерките, таа го прослави својот роденден во својот дом во Берлин.
Специјално за таа прилика роденденската девојка ја чекаше едноставна роденденска торта украсена со свежи јагоди.
Сè беше опуштено и неформално, како што доликува на домашна атмосфера. Кој би помислил дека Мерјем има над четириесет. Во краток жолт фустан со цветни мотиви и врзана коса во опавче изгледаше како мало девојче.
Убавата актерка прослави прекрасен ден со семејството, таткото Хусеин, мајката Урсула и сестрата Џанан. Почесни гости беа двете дами, ќерките на Мерјем, Лара и Лили, кои тортата ја украсија со големо срце и натпис „Те сакаме мамо“ и посебна честитка на која пишуваше „Среќен роденден на најдобрата мајка“.
Неколку дена претходно Мерјем Узерли го прослави својот роденден некаде на море, но локацијата на Инстаграм не сакаше да ја открие. Во хотелската соба ја чекаа балони во облик на срце и прекрасен букет свежи сончогледи.
