ФОТО | Мел Би од „Спајс грлс“ се омажи за 13 години помладиот партнер: На свадбата ѝ дојде само една членка од групата
Во импресивната крипта на катедралата „Свети Павле“ во Лондон, Мелани Браун (50), попозната како Мел Би од познатата група „Спајс грлс“, се омажи за својот долгогодишен партнер и фризер Рори Мекфи (37).
Препорачано
Церемонијата беше свечена и емотивна, а најголемо внимание привлече нејзината венчаница. Стануваше збор за креација дизајнирана од британската дизајнерка Џозефин Скот, и тоа не каква било. Венчаницата беше изработена од луксузен жоржет-креп со скулпторски корсет, а беше украсена со бројни бисери.
Mel B arrives at St Paul’s Cathedral in dramatic gown ahead of wedding to Rory McPhee https://t.co/FQoEOQTMKF
— The Independent (@Independent) July 5, 2025
Но, зад секој од споменатите детали од нејзината венчаница всушност се крие подлабока приказна. Како што пишува британскиот „Сан“, Мел Би сакала нејзиниот фустан да биде не само визуелно импресивен, туку и да ја одразува нејзината животна приказна.
„Секој детаљ беше избран за да се прослави нејзината сензуалност, личност и нов почеток. Мел е икона, но пред сè, жена со голема приказна“, ја опиша дизајнерката поранешната „Спајс грлс“.
Мел го надополни својот свадбен изглед со елегантни бисерни обетки, бели потпетици и подигната пунџа. Младоженецот, пак, се одлучи за традиционален шкотски килт во црвена и зелена боја.
Cara Delevingne at Mel B & Rory McPhee’s wedding today in London 🤍 pic.twitter.com/koepecX0HI
— Chicks in the Office (@ChicksInTheOff) July 5, 2025
Прославата продолжи во луксузниот хотел „Шангри-Ла“ во Лондон, со бројни познати гости, меѓу кои и моделот Кара Делевин и комичарката Кетрин Рајан, но еден детаљ не остана незабележан. Имено, на свадбата се појави само една членка на „Спајс грлс“ – Ема Бантон (49). „Бејби спајс“ избра нежен розов фустан и сребрени чевли, а пристигна во придружба на нејзиниот сопруг Џејд Џонс и синот Бо, додека другите членки, Викторија Бекам, Џери Халивел и Мелани Си, не беа таму.
Emma Bunton & Cara Delevingne arrived in style for Mel B’s wedding to Rory McPhee!
Click ⬇️https://t.co/egvrYgsUPv
— JustJared.com (@JustJared) July 5, 2025
Иако некои извори ги наведоа итни работни обврски како причина за нивното отсуство, постојат и шпекулации за можни затегнати односи, особено меѓу Мел Б и Џери откако Британката јавно призна во 2019 година дека имале романтична врска во раните денови на бендот, што воопшто не ѝ се допадна на „Џинџер спајс“.
Патем, ова е трет брак на Мел Би. Таа веќе беше во брак со холандскиот танчер Џими Гулзар и американскиот продуцент Стивен Белафонте.
Потресна исповед на Мел Би од „Спајс грлс“: Луѓето мислеа дека имам милиони, а јас купував од „Лидл“
