Пејачката Мартија Станојковиќ уште еднаш покажа дека знае како да привлече внимание каде и да се појави. Вчеравечер, таа заедно со своето момче Матеј беше гостинка на првото издание на свечениот настан посветен на венчавки – Гала вечер „Haute Wed“, во организација на модните куќи „Ателиер Пер Семпре“ и „Сињори“.

За оваа гламурозна пригода, Станојковиќ се одлучи за впечатлива црвена креација – широко здолниште и топ со длабоко деколте. Целиот изглед го надополни со минималистички накит и елегантна пунџа, која ја истакна нејзината префинетост и природна убавина.

Пред да пристигне на настанот, Станојковиќ објави неколку фотографии на својот инстаграм-профил, каде позира со заводлив поглед во црвената тоалета. На една од фотографиите е заедно со Матеј, кој за оваа свеченост носеше класичен елегантен костум со машна-пеперутка, совршено вклопен со атмосферата на вечерта.

Интервју со Мартија Станојковиќ, пејачка: Со Матеј сме во љубов две години, нашата приказна е вистинска